અમદાવાદની હવા દિવસેને દિવસે જોખમી બની રહી છે. જેમાં વાયુ પ્રદુષણ ગંભીર બાબત ગણાય છે. ત્યારે દિવાળીમાં ફટાકડા ફોડવાની લહેરથી શહેરની હવા પ્રદુષિત થઈ ગઈ છે. જેમાં શહેરના અનેક વિસ્તારોમાં હવાનું પ્રદૂષણ 300 AQIથી ઉપર નોંધાયું છે. સાથે સાથે પ્રદુષણ દર્શાવતા બોર્ડ પણ શણગારની ગાંઠ જેવા બની ગયા છે.
શહેરની હવા ઠંડી પડતાં હવા ઝેરી બની ગઈ હતી
દિલ્હી બાદ અમદાવાદની હવામાં પણ પ્રદુષણનું પ્રમાણ દિવસેને દિવસે વધી રહ્યું છે. ત્યારે હવા ઠંડક સાથે અમદાવાદ શહેરની હવા ઝેરી બની ગઈ છે. વાયુ પ્રદૂષણનું પ્રમાણ સતત વધી રહ્યું છે. જે શહેરના રહીશો માટે ચિંતાનો વિષય બન્યો છે.
AQI ના વિવિધ એકમો પ્રદૂષણનું સ્તર નક્કી કરે છે. 200 અને 300 ની વચ્ચેનો AQI નબળો માનવામાં આવે છે. 300 અને 400 ની વચ્ચેનો AQI ખૂબ જ નબળો માનવામાં આવે છે. આ જોતા અમદાવાદની હવા પણ હવે ઝેરી બની રહી છે. તેને સ્વીકારવા સિવાય કોઈ રસ્તો નથી. આવી સ્થિતિમાં દિલ્હી બાદ હવે અમદાવાદમાં વધતું પ્રદૂષણ ગંભીર સમસ્યા બની ગયું છે.
ભોપાલે 321નો AQI નોંધ્યો હતો, જ્યારે પીરાણા અને આસપાસના વિસ્તારોમાં AQI 301 નોંધાયો હતો.
અમદાવાદના પીરાણા અને ભોપાલમાં હવાની ગુણવત્તા સૂચકાંક સૌથી ખરાબ શ્રેણીમાં છે. ભોપાલ અને તેની આસપાસ પ્રદૂષણ ભયજનક સ્તરે પહોંચી ગયું છે. ભોપાલે સતત બીજા દિવસે 321નો AQI નોંધ્યો હતો. જ્યારે પીરાણા અને આસપાસના વિસ્તારોમાં AQI 301 નોંધવામાં આવ્યો છે.
સામાન્ય રીતે તહેવારોની સિઝનમાં આ પ્રદૂષણનું પ્રમાણ વધી જાય છે. ખાસ કરીને દિવાળી જેવા તહેવારોમાં. નાના બાળકોથી લઈને વડીલો સુધી દરેકને દિવાળી પર ફટાકડા ફોડવાની મજા આવે છે. પરંતુ તેમને ખ્યાલ નથી કે આ ફટાકડાઓમાં રહેલા ઝેરી તત્વો હવામાં ભળી જાય છે.
ઝેરી ગેસ, ઝેરી ધુમાડો વાતાવરણમાં કાર્બન ડાયોક્સાઇડનું પ્રમાણ વધારે છે
કોરોનાના બે વર્ષ બાદ અમદાવાદના લોકોએ આ વર્ષે દિવાળીની ધામધૂમથી ઉજવણી કરી હતી. જો કે દિવાળી બાદ અમદાવાદમાં પ્રદૂષણનું સ્તર વધ્યું છે. અમદાવાદમાં દિવાળી પર ફટાકડા ફોડવાને કારણે હવા પ્રદૂષિત થઈ ગઈ છે. પ્રદૂષણને કારણે શહેરનો AQI વધ્યો છે. અમદાવાદ માટે વધતું પ્રદૂષણ ગંભીર સમસ્યા બની ગયું છે.
ઝેરી ગેસ, ઝેરી ધુમાડો વાતાવરણમાં કાર્બન ડાયોક્સાઇડનું પ્રમાણ વધારે છે. તેનાથી વાયુ પ્રદૂષણનો ખતરો વધી જાય છે. આમ, દિવાળીના તહેવાર દરમિયાન શહેરની હવાની ગુણવત્તા સૂચકાંકમાં વધારો થયો છે. જેમાં વાયુ પ્રદુષણ દર્શાવતા બોર્ડ શહેરના અનેક વિસ્તારોમાં શોભાના ગાંઠિયા બની ગયા છે.