HomeNationalનાણામંત્રીએ રજૂ કર્યો આર્થિક સર્વે, વિકાસ દર 8-8.5 ટકા રહેવાનો અંદાજ

નાણામંત્રીએ રજૂ કર્યો આર્થિક સર્વે, વિકાસ દર 8-8.5 ટકા રહેવાનો અંદાજ

નાણામંત્રી નિર્મલા સીતારમણે બજેટ સત્રના પહેલા દિવસે લોકસભામાં આર્થિક સર્વે રજૂ કર્યો. તેમણે 2022-23માં આર્થિક વૃદ્ધિ દર 8-8.5 ટકા રહેવાનું અનુમાન કર્યું છે.
આ દર નેશનલ સ્ટેટિસ્ટિક્સ ઓફિસ (NSO)ના અંદાજ કરતા ઓછો છે. એનએસઓએ અનુમાન લગાવ્યું હતું કે આર્થિક વૃદ્ધિ દર 9.2 ટકા રહી શકે છે.
સર્વેમાં વિવિધ ક્ષેત્રોની સ્થિતિ તેમજ વિકાસ દરને વેગ આપવા માટે જરૂરી સુધારાઓની વિગતો આપવામાં આવી છે.

રાજ્યસભામાં રજૂ થયા બાદઆર્થિક સર્વે જાહેર કરવામાં આવશે
આ સર્વે બપોરે 3.30 કલાકે રાજ્યસભામાં રજૂ કરવામાં આવશે. જે બાદ તેને સાર્વજનિક કરવામાં આવશે. કહેવામાં આવી રહ્યું છે કે આ સર્વે અર્થવ્યવસ્થાની સ્થિતિને મજબૂત કરવા માટે સપ્લાય-સાઇડ મુદ્દાઓ પર ધ્યાન કેન્દ્રિત કરે છે.

આર્થિક સર્વે શું છે?
આર્થિક સર્વે એ સરકારનો વાર્ષિક દસ્તાવેજ છે, જેમાં છેલ્લા એક વર્ષમાં થયેલા આર્થિક વિકાસની સમીક્ષા કરવામાં આવે છે.
જેમાં સરકારની યોજનાઓ અને અર્થવ્યવસ્થાને આગળ લઈ જવાનો રોડમેપ દર્શાવેલ છે.
મુખ્યત્વે, આર્થિક સર્વે સ્પષ્ટ કરે છે કે આગામી બજેટનો નીતિગત અભિગમ શું હોઈ શકે.
તે બજેટના એક દિવસ પહેલા નાણામંત્રી દ્વારા સંસદના બંને ગૃહોમાં રજૂ કરવામાં આવે છે.

આર્થિક સર્વેક્ષણ શા માટે મહત્વનું છે?
આર્થિક સર્વેક્ષણને ખૂબ જ મહત્વપૂર્ણ દસ્તાવેજ માનવામાં આવે છે કારણ કે તે દેશની આર્થિક સ્થિતિ અને તેના પર સરકારના પરિપ્રેક્ષ્યની અધિકૃત અને વિગતવાર બ્લુ પ્રિન્ટ રજૂ કરે છે.
સર્વેક્ષણ એ પણ જણાવે છે કે અર્થતંત્રમાં કયા પ્રકારની ટૂંકા અને મધ્યમ ગાળાની સંભાવનાઓ અસ્તિત્વમાં છે.
અર્થતંત્રની મુખ્ય ચિંતાઓ તરફ ધ્યાન દોરવા માટે પણ તેનો ઉપયોગ થાય છે.

શું આર્થિક સર્વે રજુ કરવા સરકાર બંધાયેલી છે?

FKa4UVEUYAAPTeB
શું આર્થિક સર્વે સરકાર માટે બંધનકર્તા છે?

સરકાર બંધારણીય રીતે સંસદમાં આર્થિક સર્વે રજૂ કરવા બંધાયેલી નથી. જો કે, સર્વેના મહત્વને ધ્યાનમાં રાખીને કેન્દ્ર સરકાર દર વર્ષે તેને સંસદમાં રજૂ કરે છે.
આ સિવાય સરકાર માટે સર્વેમાં આપવામાં આવેલી ભલામણોનો અમલ કરવો જરૂરી નથી. જો સરકાર ઇચ્છે તો સર્વેમાં આપવામાં આવેલા તમામ સૂચનોને ફગાવી શકે છે.

રાષ્ટ્રપતિના સંબોધન સાથે બજેટ સત્રની શરૂઆત થાય છે

kovind
સોમવારે સવારે રાષ્ટ્રપતિના અભિભાષણ સાથે સંસદનું બજેટ સત્ર શરૂ થઈ ગયું છે. રાષ્ટ્રપતિ કોવિંદે તેમના સંબોધનમાં ગૃહને રોગચાળાને રોકવા માટે લેવામાં આવેલા પગલાંથી લઈને સરકારી યોજનાઓ સુધીની માહિતી આપી હતી.
આજથી શરૂ થયેલા બજેટ સત્રનો પ્રથમ ભાગ 11 ફેબ્રુઆરી સુધી ચાલશે. બીજો ભાગ 14 માર્ચથી શરૂ થશે અને 8 એપ્રિલ સુધી ચાલશે.
મંગળવારે 1 ફેબ્રુઆરીએ નાણામંત્રી બજેટ રજૂ કરશે.

RELATED ARTICLES

STAY CONNECTED

Latest News