નવી દિલ્હી: વડાપ્રધાન નરેન્દ્ર મોદી મંગળવારે પ્રધાનમંત્રી રાષ્ટ્રીય બાલ પુરસ્કાર (PMRBP) પુરસ્કાર વિજેતાઓ સાથે વાતચીત કરશે. તેઓ સાંજે 4 વાગ્યે તેમના 7 લોક કલ્યાણ માર્ગ સ્થિત નિવાસસ્થાને યુવા નાયકોને મળશે.
ભારત સરકાર બાળકોને ઈનોવેશન, સોશિયલ સર્વિસ, સ્કોલેસ્ટિક, સ્પોર્ટ્સ, કલા અને કલ્ચર અને બહાદુરી એમ છ કેટેગરીમાં તેમની અસાધારણ સિદ્ધિ બદલ પ્રધાનમંત્રી રાષ્ટ્રીય બાલ પુરસ્કાર એનાયત કરી રહી છે.
દરેક પુરસ્કાર મેળવનારને એક મેડલ, રૂ. 1 લાખનું રોકડ પુરસ્કાર અને પ્રમાણપત્ર આપવામાં આવે છે. આ વર્ષે, બાલ શક્તિ પુરસ્કારની વિવિધ શ્રેણીઓ હેઠળ દેશભરમાંથી 11 બાળકોને PMRBP-2023 માટે પસંદ કરવામાં આવ્યા છે. પુરસ્કાર મેળવનારાઓમાં 11 રાજ્યો અને કેન્દ્રશાસિત પ્રદેશોના છ છોકરાઓ અને પાંચ છોકરીઓનો સમાવેશ થાય છે.